Etxalarko kultur eta kirol esparruan lanean dabilen elkarte honek, honako egitarauak antolatzen ditu urtean zehar:
- Inauterien antolakuntza: otorduak, antzerkiak, animazioa, musika, eta abar.
- Gasna azoka: Ekaineko lehen igandean. Eskulanen eta artisauen erakusketa, herri bazkaria eta animazioa.
- Herriko dantza taldearen emanaldien antolaketa
- Herriko gazteentzako pilota txapelketa antolatzen dituzte.

1979ko urtean sortu zuten herriko emakume talde batek. Hasiera batean herriko gazteei euskal dantzen irakasten hasi ziren. Orain, herriko biztanleentzat ikastaroak antolatzen dituzte eta bai gizon nahiz emakumeei zuzenduta daude. Ematen diren ikastaroak hauek dira: Sukaldea, eskulanak, errestaurazioa, inaustea eta frutikultura eta heldu eta gazteentzako gimnasia.

17 lagunek osatzen dute Etxalarko Trikitixa Taldea. Gazteak dira gehienak, 9 eta 15 urte bitartekoak. Hala ere, oraingo taldea sortu arte urte luzeko ibilbidea egin dute Etxalarko trikitixa taldeko trikitilariek. Nagore Ansalas da taldeko irakaslea eta Joseba Olagarai eta Amaia Agirre ibiltzen dira laguntzaile lanetan..

Ekimenak: Sukaldaritza ikastaroak, ibilaldiak, otorduak egun berezietan, inauterietan, bestetan, usategietako igandea, mus eta partxis txapelketa, yoga ikastaroak, podologia zerbitzuak.