Azken mende honetan Etxalarren gauza asko desagertu egin dira. Garai haietan herrira agertu ezkero lau errota, garrantzizko teileri bat, zerrategi batzuk, baso eta meategi explotazioak bazeuden, baita ere lantegiak, kisu labeak, bertako kisua ongarri bezala erabiltzeko eta lurra berotzeko ere, eta Abar. Abelzaintza oso indartua zegoen arlo guztietan.

Herriko mugetan mugimendu asko egoten zen, herritarren joan etorriekin. Etxalarren jende askok egin du lan kontrabandoan.

Lehen aipatutakoaz aparte, bertze gauza hauek aurkitzen ahal ziren herrian: bi ostatu, musika taldea, albintia, basozaina, behartsuentzako etxea eta abereentzako askak.

Urteak pasatzen joan diren heinean herriko etxe eta baserriak ustutzen joan ziren herriko biztanlegoaren kopurua asko jeitsiz. Gazteriaren puska haundi bat Ameriketara joaten zen, bertze batzuk berriz sasoiko langile bezala Frantzira joaten ziren.