Etxalarko herriak dirulaguntzak ematen 1999. urte inguruan hasi zen. Dirulaguntza hauek, herriaren urteko aurrekontuaren %0,7 izaten da eta diru onen onuradunak orain arte hauek izan dira:
  
 
 
 
Apopa - El Salvador
Apopako armarria, El Salvador

2001eko urtarrilaren 13aren lurrikaren ondorioz, 10 etxebizitzen emergentziazko proiektua egin zen Apopan (El Salvador). Dirulaguntzaren Eskaera, “hirugarren mundua eta bakea” gobernuz kanpoko erakundeko Amaia Larralde Urkijo Lesakarrak egin zuen.
Urte bereko apirilaren 19an, dirulaguntza emateko akordiora ailegatu zen Etxalarko udala, 150.000 pezetako dirulaguntza emanez.
 
 
 
     
 
 
Txarata - Argentina
Txaratako eliza

Txarata (Argentina) hiriko “El basural” izeneko auzoko egoera hobetzeko, “Misioneras esclavas del indo. Corazón de María”-eko partaide den Mª Isabel Arribillaga Danboriena herritarrak eta bertako Ama nagusiak, eskaera bat bidali zuten dirulaguntza eskatzen, etxebizitzen eraiketaren proiekturako. Proiektu hau zabor biltzen ibiltzen diren 40 familientzako zuzenduta zegoen. Eskaera, auzo honetara argí indarra ekartzeko zuzendua zegoen batez ere. Eskaerarekin batera argi indarra instalatzeko aurrekontua bidali zuten baita ere.
2002-ko otsailaren zazpian udal plenoak erabaki zuen 901.52 eurotako dirulaguntza ematea.
 
 
 
     
 
 
Mali
Maliko eskola

Eskaera Fernando Sanzberro misiolari Etxalartarrak bidali zuen. Eskaera honetan bertako herri desberdinetan dauden beharren erakusketa egiten zuen:
  • Kolosoko (Mali) eskolarako dirulaguntza.
  • Alfabetizatzeko proiektua.
  • Balioaunitzeko gela Fetege-n.
  • Balioaunitzeko gela Zalogoso-n
Proiektu honetan lehentasuna eduki zuten zerrendako lehen gauzak.
 
 
 
     
 
 
Sahara
Saharako haurrak

“2006ko udan Saharar haurrak ekartzeko proiektua”
2006an, gure eskualdera Saharar ume talde bat, 13 hain zuzen ere, ekartzeko proiektua martxan jarri zen. Hauek Leitza, Etxalar, Erratzu, Lesaka, Zubieta, Ituren, Elizondo. Lekaroz, Ziga eta Anitz-ko herrietan banatu ziren.
Egitasmo honen helburua bikoitza zen, alde batetik haur sahararrek beraien herrian jaso ezin dezaketen zerbitzu ezberdinak (osasuna, jantziak, ...) jasotzea eta bertzetik Saharar herriaren egoera zein den ezagutaraztea eta elkartasuna adieraztea.
Proiektuaren aurrekontua 6.281€koa zen.
Honen finantziaketa eskualdeko herritar, udaletxe, banketxe, eta abarren laguntzari esker aurrera atera zen.
Proiektu honetarako Etxalarko udalak 400eko dirulaguntza eman zuen.